LAOAG CITY – Inrakurak ni Mr. Perry Martinez, Acting General Manager ti Ilocos Norte Electric Cooperative wenno INEC a nagsaritada ken ni Gov. Matthew Marcos Manotoc mainaig iti mausar a kuriente kadagiti billeting ken playing venues para iti 2025 Palarong Pambansa.
Inlawlawagna a napagnunumoanda nga ipaay a libre ti kooperatiba dagiti linya ken transformer a mausar kadagiti nasao a lugar.
Kunana a karaman ti pannakaipan ti transformer iti Ferdinand Edralin Marcos Stadium para iti LED wall gapu ta daytoy ket saan nga inikkan ti contractor banag a rumbeng koma nga ibaklayna.
Innayonna a manamnama a mainstolar ita nga aldaw ti transformer.
