LAOAG CITY – Inadmitir ni Mrs. Rose Agno, agtagikua ti maysa a travel agency iti ili ti Sarrat nga apektadon ti negosyo da iti mandar ti gobyerno ti Amerika nga isardeng da ti agiproceso ti ‘working visa’ dagiti agpatpatulong kadakuada tapno makaala da iti nasao a visa.
Segun ken ni Agno, Dec. 2018 pay a naipakaamo kenkuana ti nasao a mandar ken awan mabalin na no saan nga agtungpal ti mandar ti Amerika nga isardeng da pay laeng iti makatawen ti panagiproseso da iti nasao a visa.
Kuna na a ti rason no apay nga inmadar daytoy ti Amerika ket gapu ta ado dagiti nagsobsobra ti aldaw a panagtalinaed da iti nasao a pagilian ngem iti naikabil iti visa da ken adda pay dagiti nag TNT.
Inlawlawag na nga uray dagiti immun-unan a nagaplikar a saan pay a naaprubaran ti visa da ket naapektaran iti nasao a mandar.
Innayon na a kaaduan kadagiti tultulungan da nga aplikante ket iti trabaho iti benneg ti medicina ken agrikultura ti ap-aplikaran da ken idiay Nevada, Texas, ken Los Angeles ti masansan a papapanan da.
