LAOAG CITY – Kinumpirmaran ti Office of the President nga inaprobaranda ti travel authority ni Vice President Sara Duterte a nagbiahe idiay the Netherlands.
Basar iti Presidential Communications Office (PCO) nga idi Martes ti alas otso ti rabii wenno sumagmamano nga oras iti panagtayab ni dati a Presidente Rodrigo Duterte a nagturong iti the Hague tapno sangoen ti kaso a crime against humanity iti International Criminal Court gapu ta anti-drug war daytoy.
Agarup 7:40 ti bigat ti Mierkoles idi nagbiahe ti Bise Presidente iti the Netherlands.
Immunan nga inbatad ti Bise Presidente nga agkiddaw daytoy ti pammalubos manipud iti International Criminal Court para iti personal a makasarita ti amana ken mapagsasaritaan dagiti legal nga addang.
Maipalagip nga agarup 11:55 ti rabii idi simmangpet ti chartered flight a naglugan ti dati a Presidente ken insigida nga inturongda iti International Criminal Court Detention Center.
