LAOAG CITY – Inpakammo ni Prosecutor General Richard Anthony Fadullon iti Department of Justice nga ad-adalenen ti prosekusyon ti panagkiddaw ti ‘precautionary hold departure order’ iti korte.
Segun kenkuana, adda ti opsyon wenno pagibasaran para iti panagkiddaw ti pammilin no posible a rumuar iti pagilyan dagiti respondents iti kaso ti panagpukaw dagiti mammallot.
Rakurak na daytoy kalpasan met ti panangkumpirmar ni Justice Secretary Remulla nga adda ti naiysu nga ‘immigration lookout bulletin order’ kadagiti respondents iti reklamo a ‘missing sabungeros case’.
Karaman kadagiti dinakamat ni Julie ‘Dondon’ Patidongan nga adda ti pakainaigan na iti kaso ket ni Charlie ‘Atong’ Ang ken Gretchen Barretto.
Nupay maitudtudo a ‘mastermind’ ti negosyante, ken mairamraman pay ti aktres a ni Gretchen Barretto ket naiget a naglikudan da daytoy.
