BOMBO LAOAG– Naipilan ti kaso kontra ken ni Narciso Lucas Trompo, agtawen iti 47, naasawaan, traysikel driver ken residente iti Barangay 55-A ditoy ciudad ti Laoag.
Daytoy ket mainaig ti panagsalungasing na iti Republic Act (RA) 9165 wenno Comprehensive Dangerous Drugs Act of 2002.
Maipalagip a natiliw ni Trompo idi Agosto 29 ita a tawen iti Barangay 47, Bengcag ditoy ciudad ti Laoag kalpasan nga intaray na ti karga ti pasahero na.
Malaksid ti daytoy, adda pay ti naala dagiti otoridad iti ikot na a maysa a sachet a naglaon ti maipagarop a shabu ken maysa a sachet a naglaon ti marijuana.
Iti agdama, addan ni Trompo iti Bureau of Jail Management and Penology (BJMP) ditoy ciudad ti Laoag.
