LAOAG CITY – Naituding a mapan agsursur dagiti pannakabagi ti Treasurer’s Office ken Assessor’s Office kadagiti amin a barangay iti ili ti Vintar tapno idanun ti serbisyo da.
Daytoy ti inpakaammo ni Mayor Richard Degala iti ili ti Vintar.
Segun ken ni Mayor Degala, iti 2nd Semester a panagbayad ti buwis ken amilyar ket saanen a kasapulan a mapan a mismo dagiti umili iti munisipyo tapno agbayad.
Inbatad na a naka-schedule ti panagbayad ti buwis ken amilyar dagiti residente nangrugi idi Oktubre 3 agingga iti Nobyembre 29 ita a tawen.
Mangnamnama ti mayor a makikooperar ken makikoordinar dagiti umili tapno saanda a mapatawan ti multa no bilang saanda a makabayad iti naituding nga aldaw.
