LAOAG CITY – Maiyuswat ti Tree Hugging Campaign iti ili ti Piddig.
Daytoy ket babaen ti Provincial Environment and Natural Resources Office kageddan ti pannakaselebrar ti Valentine’s Day ita nga aldaw.
Inbatad ni Mr. Victor Dabalos, mangidadaulo iti nasao a pangopisinaan, ti Valentine’s Day ket saan laeng nga aldaw para kadagiti agayan-ayat no di ket panangipakita pay ti panagayat iti aglawlaw.
Mainaig iti daytoy, basar iti rimmuar iti panagadal, ti panangarakop ti kayo ket makaipababa ti stress, anxiety level, blood pressure ken dadduma pay.
Maipalagip nga iti napalabas a tawen ket naisayangkat ti Tree Hugging Campaign iti ili ti Burgos.
Kabayatanna, naammoan a daytoy nga aktibidad ket tinawen a maisaysayangkat tapno ad-adda a maitandudo ti kinapateg iti pannakatagiben iti aglawlaw.
