LAOAG CITY – Balligi a naiyuswat ti tree planting activity iti ili ti Dingras.
Daytoy ti inpakaammo ni PCapt. Josepd Calderon, ti hepe iti PNP-Dingras.
Segun ken ni Calderon, naiyuswat ti tree planting iti maysa a protected a masakupan ti Brgy. Bungcag iti nasao nga ili.
Mainaig iti daytoy, kuna ni Calderon a kinabinnulig ti PNP-Dingras iti nasao nga aktibidad ket ti Kalikasan Group United Ilocandia-Dingras Chapter, Barangay Base Group ken KKDAT-Dingras Chapter.
Naamoan a ti nasao nga aktibidad ket addaan ti tema nga “Amula ti Kayo, Agmula ti baro a Biag.”
