LAOAG CITY – Naisayangkat ti tree planting iti lawlaw ti sanitary landfill iti brgy Bubuus iti ili a Solsona iti daytoy nga aldaw.
Daytoy ti inpakaammo ni Mr John Ray Loyola ti Municipal Disaster Risk Reduction Management Office iti nasao nga ili.
Kuna na a kadua da dagiti pannakabagi ti Municipal Agriculgure nga idadauloan ni Engr Ranison Narciso.
Inbatad ni Loyola nga amin dagiti inmula da a kayo ket dagiti agbunga tapno agserbi para kadagiti umili kas iti rambutan, pomelo wenno suwa, ken sabsabali pay.
Nupay kasta, makaammon ti agriculture office no manu ti imula da a seedlings iti nasao a lugar.
Innayon na nga apagiso unay a panagmula da gapu ta tiempo ti panagtudtudo.
