LAOAG CITY – Inlawlawag ni Vice Mayor Rey Carlos Fariñas a saan a kasapulan a manayunan ti tricycle ditoy siudad ti Laoag.
Daytoy ket kalpasan nga adda dagiti sumagmamano a pasahero ti narigatan nga aglugan nga agturong iti SM.
Inbatadna a dagiti dadduma ket posible nga agad-adjust pay laeng iti situasion gapu ta sumagmamano kadakuada ti saan nga agpaspasada iti rabii.
Kunana a nasaysayaat no manayunan dagiti tricycle franchise tapno ad-adu dagiti mapan ag-pick up kadagiti pasahero nga agturturong iti dakkel a mall nangruna no rabii.
Inpettengna a no bilang agnayon ti tricycle ket masapul a maadal gapu ta posible nga iti kinaadu dagiti tricycle ditoy siudad ket mangitunda ti panagirut ti trapiko.
Inayonna a kanayon a sidadaan daytoy a mangipatulod kadagiti bus no bilang awan ti pagluganan dagiti umili nga agturturong iti dakkel a mall.
Immuna iti daytoy, naammoan a dagiti laeng city franchise ken barangay franchise ti Barangay Nangalisan ti mabalin nga ag-pick up ken iti laeng agi-drop off ti mabalin nga aramiden dagiti nagduduma a barangay franchise ditoy siudad iti dakkel a mall.
