LAOAG CITY – Nagballigi ti nagtitipon a pwersa ti PNP-Nueva Era, Provincial Intelligence Unit ti Ilocos Norte Police Provincial Office (INPPO) ken ti Regional Mobile Force Batallion 1 nakabase ditoy probinsya a nangtiliw iti maysa a tricycle driver iti ili ti Nueva Era.
Natiliw ti agtawen ti 28 a lalaki a taga Barangay Bengcag ditoy ciudad ti Laoag babaen ti bileg ti maysa a warrant of arrest nga inparuk-at ni Judge Charles Aguilar iti RTC Branch 12 ditoy ciudad ti Laoag gapu iti kaso na a theft.
Nairekomendar ti 20 ribo a pisos a piyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti kustodyar ti PNP iti ili ti Nueva Era.
