LAOAG CITY – Pabor ni Mr. Jason Molina, maysa a tricycle driver ken residente iti Barangay Madiladig ditoy ciudad ti Laoag no maipababa ti multa dagiti aglabsing iti linteg trapiko.
Segun kenni Molina, dakkel ti panagyaman da no maiimplementar daytoy nangruna ket panawen ti pandemya.
Inlawlawag na a no mabalin kuma pay ket maipababa agingga iti 300 a pisos nangruna ket narigat pay laeng ti agpasada ita a panawen ngem sumurot da no anya man ti desisyon.
Kunana a ti laeng kiddaw na no pinalen ti 500 a pisos a multa ket saan to kuma a kellaat a maipangato manen ken nasken a maalaan da met ti reaksyon.
Manamnama a maiyuswat ti public hearing mainaig iti pannaka-amendar ti Traffic and order code ditoy ciudad ti Laoag intono nobyembre 12 ita a tawen.
