LAOAG CITY – Inbatad ni Mr. Jonathan Salvador, maysa a tricycle driver ditoy siudad ti Laoag a maluksaw iti nagbalin a desisyon ti konseho maipanggep iti maipatungpal a plete iti tricycle ditoy siudad ti Laoag.
Kuna na nga arig nga awan serserbi ti naiyuswat a public hearing iti kallabes gapu ta saan a nasurot ti kiddaw dagiti tricycle driver a maipatungpal a plete.
Gapu iti daytoy, inpetteng ni Salvador a masapol nga agapela dagiti asosasyon ti traysikelan ditoy siudad para iti pannakabaliw ti singir iti plete.
Immunan nga inpakaammo ni Salvador nga iti naiyuswat a public hearing iti napalabas nga aldaw ket kiniddaw da ti 15 a pisos ken 20 a pisos a plete.
Innayun na a nasken pay a maikonsiderar ti panagngato amin dagiti nagduduma a magatgatang kangrunaan iti produkto a petrolyo.
