LAOAG CITY – Saan a nagpangadua ti maysa a traysikel driver a nangiturnover iti PNP iti ili a San Nicolas iti napidot na a wallet.
Nabigbig daytoy a ni Raffy Biñego Tumamao, awanan ti asawa, traysikel driver ken residente iti Barangay 19 ti nasao nga ili.
Immuna ti daytoy, napan nagreport iti PNP-San Nicolas ni Emerson Dave Domingo Rapisora, agtawen ti 29, baro, maysa a nurse ken residente iti Barangay 8 iti ili a San Nicolas kalpasan a naduktalan na mapukpukaw ti wallet na.
Kuna na a possible a naregreg na ti wallet na iti lawlaw ti dakkel a mall iti ili a San Nicolas.
Apaman a napidot ni Tumamao ti wallet ni Rapisora ket dagus na a napan inturnover iti PNP-San Nicolas.
Karaman kadagiti karga ti wallet ket ti 11 a ribo a pisos, napapateg a dokumento ken ID’s.
