LAOAG CITY – Nasugatan ti maysa a tricycle driver ken menor de edad kalpasan ti napasamak a desgrasysa iti nagbetngan ti E.Mabini Street ken Castro Street, bisinidad ti Brgy. 16 ditoy siudad ti Laoag.
Nabigbig ti tricycle driver nga adda iti legal nga edad ken residente iti Brgy. 60-A Navotas ditoy siudad idinto a ti inlugan na a menor de edad ket agtawen ti 16.
Basar iti imbestigasyon ti PNP traffic division ditoy siudad, agpapaabagatan a direksyon ti maysa a pick-up nga inturong ti maysa a lalaki nga adda iti legal nga edad ken residente iti Brgy. San Isidro iti ili ti Dumalneg.
Nu pay kasta, apaman a nadanun na ti Castro Street ket dita a simmulpot ti tricyle rason a nagdinnungpar dagitoy.
Gapu iti daytoy, nasugatan ti muging ti tricycle driver ken angalen ti menor de edad ti likod na pakairamanan ti dugol iti ulo na idinto a saan a naan-ano dagiti naglugan iti pick-up.
Manamnama nga agsarita dagiti dua a partido mainaig iti napasamak a desgrasya.
