LAOAG CITY – Balligi a naarestar ti maysa a tricycle driver iti Anti-Illegal Drug Buy-bust Operation iti Sitio Maharlika iti Barangay San Lorenzo ditoy siudad ti Laoag.
Ti suspek ket agtawen ti 32, lalaki, awanan asawa ken residente ti Barangay 35, Gabu Sur ditoy siudad ti Laoag.
Natiliw ti suspek kalpasan a naglako ti maysa nga heat sealed transparent plastic sachet a naglaon ti maipagarup a shabu nga agdagsen ti 1.5 grams ken mapapati nga agbalor ti 10 ribu a pisos iti police poseur-buyer.
Malaksid iti daytoy, naala pay manipud iti suspek ti maysa nga heat-sealed transparent sachet a naglaon ti maatap a shabu nga agdagsen ti 1.6 grams.
Naammoan a dagiti amin a nakumpiskar a drug items manipud iti suspek ket agdagsen ti 3.1 grams nga agbalor ti Php21,080.00.
