LAOAG CITY – Natay ti maysa a tricycle driver kalpasan a nabagko-bagkong bayat ti papanna panaganawa kadagiti nagririri idiay Barangay 10 ditoy ciudad ti Laoag.
Nabigbig ti biktima a ni Francis dela Peña y Santos alyas Yago, agtawen ti 29, baro ken residente ti Barangay 23 ti nasao a ciudad.
Iti inisyal nga imbestigasyon ti PNP, bayat a nakapila ti biktima iti asideg ti maysa a pasdek negosyo ket nakita na nga adda dagiti agririri.
Nagturong ti biktima tapno mapan koma aganawa ngem ditoyen a pinang-or dagiti suspek ti baseball bat ken binagkong da ti namindua a daras.
Naitaray ti biktima ti Governor Roque Ablan Senior Memorial Hospital (GRASMH) ditoy ciudad ti Laoag ngem naideklara a dead on arrival gapu kadagiti sinagaba na a sugat.
