LAOAG CITY – Maag-agasan iti ospital ti maysa a tricycle driver kalpasan nagsagaba ti head injury kalpasan ti desgrasya iti Brgy. Pipias iti ili ti Bacarra.
Iti imbestigasyon ti PNP Bacarra, ti driver ti tricycle ket agtawen ti 50 ken residente iti nasao a barangay idinto a ti driver ti motorsiklo ket agtawen ti 27 ken residente iti Brgy. Cabulalaan iti nasao nga ili.
Rumrumwar nga agpapalaud a direksiyon ti tricycle nga addaan ti plate number a 0617, ket nadungpar ti agpaamianan a direksiyon ti maysa a motorsiklo.
Maipagarup a napan ti motorsiklo iti linya ti tricycle rason ti desgrasya.
Gapu iti daytoy, dagus a naitaray ti tricycle driver iti Gov. Roque Ablan Sr. Memorial Hospital idinto a naitaray ti driver ti motorsiklo iti Bacarra Medical Center kalpasan a nasugsugatan.
Basar iti PNP Bacarra, maipagarup nga adda iti impluwensya ti nasanger ti driver ti motorsiklo ken saan a nakasuot ti helmet.
Agtultuloy ti imbestigasyon ti PNP kalpasan ti desgrasya.
