LAOAG CITY – Nagsagaba ti litim ken gasgas ti nagduduma a paset ti bagi ti maysa a tricycle driver a ni Mr. Johnly Pascua a residente iti Brgy. Sta. Maria iti ciudad ti Laoag gapu iti maipagarop a panangkabkabil ti pamilya Dumlao kenkuana.
Segun ken Pascual, pasado alas diyes ti rabii idi Enero 10 ket nagturong ni Mr. Erickson Dumlao iti pagtaengan da, no sadinno agtutungtong da iti sango ti balay da kadwa na ti pamilya na.
Apaman a nagturong ni Dumlao iti pagtaengan da Pascual ket ditoy a dinamag na ken maipagarop nga inakusaran na ni Pascual a pininaan na ti kabsat na ngem naglikodan na daytoy nga akusasyon.
Immuna iti daytoy ket naammuan a nabartek ni Dumlao no sadinno a kuna ni Pascual a kinarit na isuna nga agkabil da.
Iti palawag ni Pascual, maipagarop nga immuna a dimmanog ni Dumlao ken pinagtitinnulongan isuna dagiti agkakabsat ken pakairamanan ti da, a nabigbig a da Analyn Dumlao, Ronald Dumlao, ken Roberto Dumlao nga agdama a kagawad iti Barangay Sta. Maria ditoy ciudad ti Laoag.
Imbatad ni Pascual nga awan met ti ammu na a rason, sipod ta agkakadwa da met ken awan ti dati a susik da.
Kunana a na-ipablotter na metten ti pamilya Dumlao, kasta pay a nagpa-medico legal isuna ken disidido a pilaan na ti kaso ti nadakamat a pamilya.
Kabayatanna, iti met biang ti pamilya Dumlao nagkedked da a nagpainterview seknan kadagiti alegasyon kadakuada.
Ngem segun ken ni Annalyn, saan nga isuda ti immuna sipod ta maipagarop nga immuna a pininaan ni Pascual ti kabsat na, no sadinno a napunuan da laeng isu ti rason no apay a napan nagsaludsod ni Erickson kenkuana, ngem apaman a tumalaw daytoy ket dita a nagdinnanog dan.
Kunana nga adda pay laeng pakainaigan ti isyu iti napalabas nga eleksyon ti Tricycle Operators and Drivers Association wenno TODA sipod ta naelektaran a kas presidente ni Kag. Roberto Dumlao, ken ti nagbalin a kinalaban na ket ti kasinsin ni Pascual.
Kabayatanna agtultuloy pay laeng ti imbestigasyon seknan iti daytoy.
