LAOAG CITY – Natay ti maysa a tricycle driver idinto a nasugatan ti takyag ti pasahero na ti napasamak a pammaltog idiay Paoay, Ilocos Norte.
Nabigbig ti natay a ni Murthy Barboza, agtawen ti 28, naasawaan, taga Abra ngem agdama nga agnanaed ti Barangay 1, San Juan iti ili ti Paoay, idinto a ti nasugatan a pasahero na ket ni Maureen Tabije, agtawen ti 32, awanan ti asawa ken residente ti Barangay 4 ti met laeng nasao nga ili.
Napasamak ti pammaltog bayat ti panagpapalaud a direksyon dagiti biktima ti paset ti Barangay 3 ti nasao nga ili kangrunaan na ti Quiling Batac-Paoay Road.
Nakarekobre dagiti otoridad ti 22 a kapsula ti M16 riffle ti nakapasamakan ti pammaltog ken adda pay ti na maysa nga deformed slug a narekobre da ti bagi ni Barboza.
Agpapan ita ket agtultuloy ti imbestigasyon dagiti otoridad tapno maamoan no ania ti possible a motibo ti napasamak a krimen ken no siasinno dagiti responsable ti napasamak.
