LAOAG CITY – Natiliw ti maysa a tricycle driver babaen ti naiyuswat a drug buy bust operation iti Brgy. 3 ditoy siudad ti Laoag.
Nabigbig ti suspek a ni Jay-ar Reyes y Reyes, agtawen ti 28, residente iti Brgy. 47 Bengcag ditoy siudad.
Narekobre dagiti otoridad manipud iti suspek ti maysa a plastic sachet a naglaon ti maipagarup a shabu ken buy bust money.
Nakumpiskar pay manipud iti ikot ti suspek dagiti innem a sachet a naglaon ti maipagarup a shabu ken 550 a pisos a kuarta na.
Naglikudan met ti suspek a kukua na dagiti narekobre dagiti otoridad.
