LAOAG CITY – Inpakaammo ni Mr. Francisco Martin, Presidente ti Federation of Tricycle Drivers ditoy siudad ti Laoag nga adda ti dimmanon kadakuada nga impormasion a maipagarup a saanda a makapirma ti barangay clearance no i-renew-danton ti tricycle franchise dagitoy no mapanda sumurot iti motorcade iti maysa a kandidato.
Inbatadna a saanda a pinilpilit isuda a mapan maki-motorcade gapu ta rumbeng laeng a mapan dagitoy gapu ta awan ti makitada a pakabasolanda.
Inlawlawagna nga isuna ti Presidente ti traysikelan ditoy siudad ti Laoag a rumbeng laeng a suruten dagiti adda iti babaenna laketdi awan ti pakadaksanda.
Maipalagip a mangipatulod ti surat ti Sangguniang Panlungsod kadagiti kapitan ditoy siudad ti Laoag a maipagarup a nangbutbuteng kadagiti tricycle driver a simmurot iti motorcade ti maysa a kandidato ditoy siudad ti Laoag.
Immuna iti daytoy, segun iti Presiding Officer, adda dagiti sumagmamano a kapitan a maipagarup a binutbutengda a maikkat ti prangkisa dagiti tricycle driver gapu ta simmurotda iti motorcade iti maysa a kandidato.
