LAOAG CITY – Naapektaran ti sapul dagiti sumagmamano a tricycle driver ditoy siudad ti Laoag gapu ti kinabassit dagiti tattao a rumwar iti pagtaengan da gapu iti pangta ti coronavirus disease.
Daytoy ket gapu pay iti pannakaideklara ti general community quarantine ditoy probinsya ken adda dagiti naipatungpal a pagannurutan.
Segun kenni Mr. Glowell Corpuz, tricycle driver iti SUNCITTA TODA, bassit dagiti aglugan a pasaheros ita nga aldaw gapu ti panagbuteng da iti viruss.
Kuna na a sumagmamano laeng dagiti agluglugan idinto nga atiddog ti pila.
Karaman daytoy ti epekto ti pannakakanselar ti klase dagiti estudyante, ken dadduma pay nga aktibidad.
Kabayatanna, awan ti naiwayat a flag raising ceremony iti kapitolyo probinsyal itay bigat gapu ti nasao a virus.
Naobserbaran ti Bombo Radyo Laoag a nakafacemask dagiti sumagmamano nga empleyado ti gobyerno bayat ti panagtrabaho da.
