LAOAG CITY – Naireklamo ti maysa a pasahero gapu iti maipagarop a saan na a panagbayad ti plete na ken maipagarop nga inutangan na pay ti mismo a drayber ti traysikel nga inarkila na iti ili ti San Nicolas.
Nabigbig ti biktima a ni Mark Anthony Asuncion, 33, ken residente iti Brgy. Baay San Silvestre; idinto a ti suspek ket n Jeremy Simpliciano, residente ti Brgy 1 iti ili ti San Nicolas.
Segun ti report ti PNP, alas-5 idi malem idi dinagas ken inlugan ni Asuncion ti pasahero manipod iti Brgy 1 iti ili ti San Nicolas ken nagpaitulod idiay Brgy. Mangnuang iti ciudad ti Batac tapno mapan mangala ti kuarta iti kabsat na, ngem nagpaisubli met laeng daytoy iti mismo a pagtaengan da iti ili ti San Nicolas.
Nupay kasta, idi maitulod ni Asuncion ni Simpliciano iti balay da ket maipagarop a dagus a napan simrek lattan iti uneg ti balayda ken saanna nga inted ti plete na.
Malaksid ti saan a panagbayad ti suspek ti agarup 600 a plete ket maipagarop nga inutangan na pay ti 300 ti nasao a drayber.
Gapu ti daytoy, nagkamang ni Asuncion iti PNP ket tinunton da ti pagtaengan ni Simpliciano ngem saanen a nakikoordinar pay ti Ama ti nasao a suspek isut gapuna a nagderetso da iti Barangay chairman iti nadakamat a barangay.
