LAOAG CITY – Awanen ti plano ni dati a Sen. Antonio Trillanes IV nga agatendar iti impeachment trial.
daytoy ket kalpasan ti panagatrasna kas testigo ti House Prosecution Panel tapno agbalin koma a witness iti maipagarup a saan a mailawlawag a kinabaknang ni Vice President Sara Duterte.
Iti maysa nga enterbyu, no sadinno nasaludsod daytoy no adda pay ti planona nga agatendar iti impeachment trial, a segun kenkuana, awanen iti planona nga agatendar.
Segun kenkuana, ammo ti Defense team ti manamnama koma nga iprisintarna kalpasan ti nagbalin a press conference-na idi laeng napalabas nga aldaw.
Iti agdama, kiddaw ti senador a bantayan ti publiko ti direksion ti trial iti panangidadaulo ni Senator-judge Chiz Escudero kas presiding Officer.
Maipalagip nga immunan a simmango ni Sen. Trillanes iti House Justice Committee idi mataltalantan pay laeng ti komite ti ‘sufficiency in grounds’ ti impeachment complaint kontra ken ni VP Sara.
