LAOAG CITY – Inbilin ti Food and Drug Administration (FDA) nga ibabawi ti sumagmamano a batch ti Triocef antibiotic iti merkado gapu iti depektibo a kalidad daytoy.
Iti Food and Drug Administration Advisory No.2025-0093, boluntario a rinugian ti panangibabawi ti Cathay Drug Company Inc. ti sumagmamano a Tricef oral drops (Cefixime) kalpasan a nakumpirmaran ti third-party lab test a ti produkto ket saanna a nadanon ti required quality standards basar iti chemical assay tests a naiwayat iti nasao a laboratorio.
Ti Triocef ket naaramid ti JM Tolmann Laboratories Inc. a nakabase idiay Quezon City idinto a ti Cathay Drug ti marketing authorization holder.
Ti nasao nga antibiotic ket maus-usar kas agas iti acute brochitis, pneumonia, UTI, gonorrhea, scarlet fever, typhoid fever, sinusitis, tonsilitis ken pharyngitis malaksid pay kadagiti dadduma pay a bacterial diseases.
