LAOAG CITY – Nasarakanen ti tripulante a karaman a naarinebneb iti MT Terra Nova iti baybay ti Limay, Bataan.
Segun iti Philippine Coast Guard (PCG), saanen a sibibiag ti second mate a kadua dagiti mapukpukaw a tripulante idi nasarakan daytoy ti BRP Melchora Aquino.
Kabayatanna, tallo met a barko ti Philippine Coast Guard ti naideploy iti kabaybayan ti Bataan para iti oil spill response operation.
Segun kenni Philippine Coast Guard Commandant Admiral Ronnie Gavan, mangiwayat da ti oil dispersants tapno malapdan ti panagwaras ti lana bayat ti pannakaisagana ti siphoning.
Target ti Philippine Coast Guard a mailippas ti panag-siphoning iti lana manipud iti limned a barko iti uneg ti pito nga aldaw.
Maipalagip a ti kauneg ti barko ket umabot iti 34 metro laeng isu a manamnama a nabiit laeng ti proseso tapno masalakniban ti baybay ti Bataan ken Manila Bay.
