LAOAG CITY – Naituding a pumanaw aminen dagiti soldado ti Amerika idiay Niger.
Daytoy ket kalpasan nga ad-adda pay a timmibker ti relasyon dagiti Military leaders iti West African nation iti Russia sipud iti napalabas a tawen.
Maipalagip a nangideploy ti Amerika kadagiti tropa da idiay Niger tapno tumulong a lumaban kontra iti Islamist insurgents.
Malaksid iti panangikkat ti Estados Unidos kadagiti tropa da idiay Niger ket parikepan da payen ti drone base da iti asideg ti Agadez iti Sahara desert.
Masarakan ti Niger iti Sahel region iti Africa a maikonsiderar kas baro global epicentre ti Islamic State group.
