LAOAG CITY – Balligi a naarestar ti maysa a truck driver iti Anti-Illegal Drug Buy-bust Operation iti ili ti Nueva Era.
Segun ken ni P/Capt. William Sotelo, Hepe ti Nueva Era Municipal Police Station, ti suspek ket agtawen ti 37, naasawaan ken residente idiay Cabugao, Ilocos Sur.
Inbatadna a natiliw ti suspek kalpasan a naglako ti maatap a shabu iti police poseur-buyer.
Mainaig iti daytoy, kunana a nakumpiskar pay manipud iti suspek ti lima nga heat sealed transparent plastic sachet a naglaon ti maipagarup a shabu, motorsiklo ken dadduma pay a drug paraphernalia.
Inlawlawagna a ti naala a kontrabando ket agbalor ti 2,040 a pisos.
Kabayatanna, manamnama a maipila ti kaso kontra iti suspek gapu iti panaglabsingna iti Republic Act No. 9165 Comprehensive Dangerous Drugs Act of 2002.
