LAOAG CITY – Natiliw ti maysa a driver ti truck iti naiyuswat a drug buybust operation babaen iti PDEU, RDEU, PDEA ken PNP iti Barangay 16 iti ili ti San Nicolas.
Nabigbig ti subject ti operasyon a ni Mr. Gesel Junn Buduan y Segundo, agtawen ti 39, truck driver ken residente iti Barangay Nagbacalan iti ili ti Paoay.
Naarestar daytoy kalpasan a naglako iti pusuer buyer ti dua a sachet a naglaon ti maipagarop a shabu ken agbalor ti lima a ribo a pisos.
Malaksid iti daytoy, narekobre pay iti ikot ni Buduan ti dua a sachet a maipagarop a naglaon met laeng ti shabu, maysa a kalibre 38 a paltog nga addaan ti innem a bala.
Naamoan a ni Buduan ket maysa a drug surenderee ken inadmitir na a datin nga agus-usar ti iligal a droga ngem nagkedkeden a mangipaay pay ti naan-anay a detalye.
