LAOAG CITY – Personal a binisita ni United States President Donald Trump ti central Texas a naapektaran ti nakaro a panaglayos iti napalabas a lawas.
Kaduana ni First Lady Melania Trump, Homeland Security Secretary Kristi Noem, Texas Gov. Greg Abbott, Sen. John Cornyn ken Sen. Ted Cruz.
Linikos ni Trump kaduana ni Texas Governor Greg Abbott ken ni Kerville city manager Dalton Rice dagiti lugar nga ad-adda a naapektaran ti didigra.
Nangiwayat ti taripnong ni Trump kadagiti opisial ti nasao a lugar.
Maipalagip a sumurok 120 nga indibidual ti pimmusay idinto a sumurok 150 ti mapukpukaw iti nakaro a layos.
