LAOAG CITY – Inrakurak ni United States President Donald Trump nga ikonkonsiderarna nga agikkat iti North Atlantic Treaty Organization kagiddan iti panangirakurak ni United Kingdom Prime Minister Keir Starmer nga ag-host ti multi-nation meeting ita a lawas iti Strait of Hormuz.
Inbatadna nga aglippas ti panangatake ti Estados Unidos idiay Iran kalpasan ti dua wenno tallo a lawas.
Naammoan a bimmaba ti presio ti langis iti babaen ti $100 (£75) maysa a bariles kagiddan kadagiti komento dagiti Presidente ti Amerika ken Iran no sadinno nga inpakaammo ti United Kingdom airlines trade body nga iti agdama ket saanda a makitkita iti panagkurkurang ti suplay ti jet fuel.
Mainaig iti daytoy, agtultuloy ti panangiwayat ti strikes iti nagbaetan ti Israel ken Iran idinto a mangiwaywayat met ti panangatake ti Iran iti kaparanget a lugar iti Gulf.
Kabayatanna, makita iti sumagmamano a ladawan manipud idiay Lebanon ti nakaro a pannakadadael kadagiti pasdek gapu iti agtultuloy a panangatake kadakuada ti Israel.
