LAOAG CITY – Inpannakkel ni United States President Donald Trump nga isuna ti kangrunaan a nangilungalong ti ceasefire iti nagbaetan ti Gaza ken Israel.
Gapu iti nasao a panagballigi a ceasefire deal isu nga inawaganna ti bagina kas ‘peacemaker.’
Ibilangna a daytoy ti legacy-na a saan a malipatan ti Estados Unidos uray katugtugawna pay laeng iti puesto.
Inpasiguradona a saan daytoy nga aginana agingga a saan pay a nawaya-wayaan dagiti amin nga hostage dagiti Hamas.
Naammoan a ti nasao a rakurak ket kageddan ti pannakitaripnong ni Trump ken ni Israel Prime Minister Benjamin Netanyahu.
