LAOAG CITY – Inpannakkel ni United States President Donald Trump a kimmapsot ti Iran gapu iti agtultuloy a panangiwayatda ti panangatake.
Inbatadna a sipud inrubuatda ti “Operation: Epic Fury” ket naruay kadagiti military facilities ti Iran ti nadadael.
Inlawlawagna nga uray adun dagiti nadadael idiay Iran ket agtultuloy latta ti panangiwayatda ti panangatake.
Kunana a saan pay a nalpas ti panangrautda ken manamnama nga adu pay ti iwayatda a panangatake idiay Iran.
