LAOAG CITY – Inpetteng ni United States President Donald Trump a nakasagana ti pagilianda tapno i-take over ti Gaza.
Inaramidna daytoy a rakurak iti personal a panagbisita ni King Abdullah II ti Jordan.
Mamati ni Trump nga agbalin a nakappia ti biag dagiti Palestino no dagitoy ket agnaed iti sabali a lugar ken saanen iti Gaza.
Inbatad met ni King Abdullah a kasaritana dagiti dadduma nga Arab leader tapno maaddaan ti dadduma pay a panagtaripnong ken ni Trump maipanggep iti nasao a banag.
Nangipeksa pay ti ari ti Jordan a nakasaganada nga awaten dagiti Palestino a mapatalaw iti Gaza no bilang matungpal ti nasao a plano.
