LAOAG CITY – Kalikagum ni United States President Donald Trump nga ipaserra nga insigida ti Education Department.
Inbatad ni Trump a kayatna nga ipaserra ti Department of Education babaen ti executive order ngem binigbigna a kasapulanna dagiti buy-ins manipud iti Kongreso ken dagiti union dagiti mangisursuro tapno matungpalna ti karina iti kampania nga aramidenna daytoy.
Naammoan a ti insigida a pannakaserra ti departamento ti edukasion ket mabalin a makaipaay iti binilyon a dolyar a tulong kadagiti pagadalan ti K-12 ken tulong iti matrikula para kadagiti estudiante iti kolehio.
Binusbos ni Trump dagiti umuna a lawasna iti opisina a nangiduron kadagiti dakkel a panagbalbaliw iti gobierno ti Estados Unidos a mangikalikagum kadagiti federal employees nga agsubli nga agtrabaho kadagiti opisina.
Kabayatanna, gagem pay ni Trump nga ipaserra dagiti sumagmamano nga ahensia kas ti United States Agency for International Development.
