LAOAG CITY – Posible nga inton sumaruno a lawas ket matuloyen ti personal a panagkita da United States President Donald Trump ken Russian President Vladimir Putin.
Inbatad ni Yuri Ushakov ti aide ni Putin, daytoy ket maiyuswat kalpasan ti balligi a panagsasarita ti negotiating team-da idiay Saudi Arabia.
Naammoan a dagiti sumagmamano a mabalin a talantalenda ket dagiti kondision tapno naan-anayen a malpas ti riribok iti nagbaetan ti Russia ken Ukraine.
Maipalagip nga iti napalabas a lawas ket tinawagan ni Trump da Putin ken Ukrainian President Volodymyr Zelensky no sadinno a napagnunumoanda ti panagleppasen ti gubat iti dua a grupo.
