LAOAG CITY – Naruay nga offshore betting idiay Estados Unidos ti nangiruaren dagiti prediksionda no asino ti mangabak iti nagbaetan da United States Vice President Kamala Harris ken dati nga United States President Donald Trump.
Iti nabatbati a 12 nga aldaw ti 2024 Presidential Election ket ngimmato ti probability of winning ni Trump iti napalabas a dua a lawas.
Naammoan a ti nangibasaran dagiti sumagmamano nga odds company ket ti 538 electoral votes.
Nailanad kadagiti sumagmamano a betting odds nga addaan ti 64.1 percent a chance of winning para iti kina-Presidente si Trump.
Basar iti pakasaritaan ti betting odds a napaay ti betting markets a mapugtoan ti panangabak ni Trump idi 2016.
Iti agdama, naiget ti panagkampania dagiti dua a kampo no sadinno a kadua pay dagitoy dagiti singer ken celebrities tapno maallukoy dagiti botante.
