LAOAG CITY – Sinelebraran ni United States president-elect Donald Trump ti panagballigina daytoy iti eleksion babaen iti panagbuyana ti Ultimate Fighting Championship (UFC).
Nagbuya isuna iti UFC 309 idiay New York kaduana ni Elon Musk ken dagiti sumagmamano a gabinetena kas kada Robert F Kennedy Jr. ken Tulsi Gabbard pakairamanan ni Vivek Ramaswamy.
Iti panagserrek pay laeng ni Trump ket nagpatukar isuda ti napigsa a musika no sadinno a nagpupukkaw dagiti audience.
Binuyada ti laban ni Jon Jones no sadinno nga inabakna ni Stipe Miocic.
Naammoan a kalpasan ti laban ket inasitgan ni Jones ni Trump ken inpakitana ti belt-na.
