LAOAG CITY – Nangiyibbat ti angaw ni United States President Donald Trump a saan pay a target ti International Criminal Court ICC isuna ngem inpettengna a mabalin a mapasamak daytoy iti masanguanan.
Indeklararna daytoy bayat ti panangipapigsa ti administrasionna ti kampanya tapno madadael ken i-boycott ti nasao nga international tribunal.
Inbatad ni Trump bayat iti naiwayat a cabinet meeting-na iti Camp David nga awan ti impormasion a kamkamaten isuna ti International Criminal Court ICC ngem mabalin daytoy a mapasamak bayat nga agkatkatawa dagiti miembro ti gabinetena.
Mainaig iti daytoy, simmabat ni Trump bayat nga agsarsarita ti top diplomat-na a ni Marco Rubo a bayat ti panangipettengna iti saan panangamunamong ti Amerika iti korte a saanda a salsalakniban daytoy ngem ti dakdakamatenda ket ni Israeli Prime Minister Benjamin “Bibi” Natanyahu ken dagiti dadduma pay a lider a sumangsango iti panagusig ti korte.
Maipalagip a nangiparuk-at ti International Criminal Court ICC ti arrest warrant kontra ken ni Netanyahu idi Nobiembre 2024 gapu iti giera ken alegasion kenkuana a war crimes iti Gaza no man pay kas iti Amerika, saan a miembro ti Israel iti Rome Statue a nangibangon iti ICC.
Mainiag iti daytoy, nangiwayat ni Trump ti maysa nga opensiba kontra iti nasao a korte tapno kiddawen kadagiti nagduduma a pagilian nga ag-withraw iti institusion.
Kinumpirmaran ni Secretary of State Marco Rubio nga addan ti lima a pagilian ti nag-anunsio mainaig iti planoda nga agikkat iti korte.
