LAOAG CITY – Saan a namnamaen ni Ensign Ivan Morris B. Canlas, Top 2 Marine Engineering, iti PMMA, residente iti ili ti Vintar, ti panagturpos na iti academya ken nagun-od na ti maikadua a puesto iti Masakbayan Class of 2020.
Kuna na a sigurado nga ipanpannakkel dagiti nagannak kenkuana iti nagun-od na kalpasan ti panagadal na iti kurso a marine.
Segun kenni Canlas, ti nagbalin nga inspirasyon na ket iti pamilya na gapu ta nagadal iti PMMA tapno saan a marigatan dagiti nagannak kenkuana iti tuition fee.
Inbatad na a narigat ti agadal iti PMMA ngem nalasatan na daytoy babaen ti panagan-anus na.
Mainaig iti daytoy, maysa a karit iti panagbiag iti panagadal iti PMMA gapu ta aglaok iti akademiya nga adalen ken iti military training.
Kasapulan a sumurot kadagti senior officer ken no agbalin a senior officer ket kasapulan nga idauloan dagiti adda iti babaen ti grupo.
Innayon na nga idi adda iti umuna ken maikadua a tawen ket nakasentro iti disiplina ken training ti inaramid na idinto nga iti 2nd Class ket nag-OJT da iti international shipping company iti maysa a tawen ken iti 4th year puro academic ti inadal da kas panagsagana para iti lisensure exam.
Gapu iti daytoy ket sumaruno a plano ni Canlas ti mangala iti lisensya na kas Marine Engineer.
Nagturpos ni Canlas kas Top 2 iti Bachelor of Science in Marine Engineering ken iti Over All Rank Military Merit Medal Awardee iti nasao nga academiya.
