LAOAG CITY – Umaboten iti pakabuklan a P1.1 billion ti balor dagiti tulong a naipaay ti gobyerno para kadagiti biktima dagiti naglabas a bagyo iti pagilian.
Daytoy ket basar iti datos ti National Disaster Risk Reduction and Management Council (NDRRMC).
Karaman kadagiti naibunong ket dagiti makan ken non-food items nga indaulwan dagiti ahensya ti gobyerno kas ti Department of Social Welfare and Development (DSWD), Office of the Civil Defense (OCD), local government units (LGU), idinto a dagiti dadduma ket naggapo iti non-government organizations.
Malaksid iti daytoy, inreport pay ti National Disaster Risk Reduction and Management Council a naibunungen ti Department of Social Welfare and Development ti pakabuklan a 1,013,000 family food packs kadagiti rehiyon it pagilian a dinuprak dagiti naglabas a bagyo.
Segun pay iti National Disaster Risk Reduction and Management Council, umaboten iti nasurok a 2,200,000 dagiti pamilya wenno 8,630,000 nga indibidwal ti naapektaran ti kalamidad.
