LAOAG CITY – Manamnama a malukatan ti turismo ditoy probinsya intono sumaruno a bulan ti Oktubre.
Segun kenni Gov. Matthew Marcos Manotoc, plano a malukatan ti probinsya kadagiti turista nangruna dagiti taga Metro Manila gapo ta ado dagiti agkalikagom a mapan iti baybay.
Inbatad na a mabalin dagitoy a bumisita iti probinsyano laketdi dumalan da iti RT-PCR test ken mai-schedule ti byahe da.
Kunana a dakkel a bentahe ti Metro Manila para iti turismo nangruna no kalikagom da ti agtrabaho iti igid ti baybay a sakop ti probinsya.
Inpasingked na pay nga ummuna ti ciudad ti Baguio a mabalin a pagpasyaran dagiti umili iti Rehiyon Uno.
Inbatad na a ti pannakalukat ti turismo iti nadakamat a ciudad ken ti Rehiyon Uno ket saan pay laeng a mabalin ti agawat ti probinsya.
Kunana a babaen iti panangilukat ti ciudad ti Baguio ket ado dagiti maadal ti probinsya a proseso para iti pannakaipasigurado a saan a mairisgo ti salun-at dagiti umuli ken dagiti turista wenno bisita.
