LAOAG CITY – Nabirukan ti bangkay ti maysa a turista a lalaki iti igid ti baybay iti maysa a resort iti Brgy. Burayoc iti ili ti Pagudpud.
Daytoy ti kinumpirmaran ni Police Major Joemar Andres, ti chief of police iti ili ti Pagudpud.
Binigbig ni Andres ti biktima a ni Ramon Datiles Jr., agtawen ti 23, baro ken residente iti Brgy. San Antonio, Biñan, Laguna.
Maipalagip nga immunan a naireport a mapukpukaw ni Datiles ken iti pannakikoordinar dagiti otoridad iti pamilya na ket positibo a binigbig daytoy ti ama na a ni Mr. Ramon Datiles Sr.
Iti agdama, ti bangkay ti biktima ket naikabilen iti Ripa Funeral Homes para iti funeral services.
