LAOAG CITY – Inbatad ni Police Lt. Joel Corrales, deputy chief of police ti PNP-Pagudpud a nangrugin ti panagado dagiti turista nga agturturong iti nasao a lugar.
Segun kenni Corrales, itay pay laeng napan a lawas ket adda dagit nagsangpet a turista iti nasao nga ili kangrunaan na kadagiti beach resort.
Gapo iti daytoy, kuna ni Corrales nga adda ti ikabil na a lima a Police Assistance Center tapno mangkita ken nayun nga agmonitor kadagiti bisita ti ili.
Karaman kadagiti barangay a maikkan ti Police Assistance Center ket ti Barangay Saud, Balaoi, Baduang, Tarrag ken Mawini.
Innayon ni Corrales a gapo iti panagado ti tao iti nasao nga ili ket nakasagana da pay a mangiwanwan ti trapiko.
