LAOAG CITY – Kinumpirmaran ni PCol. Christopher Abrahano, ti provincial director iti Ilocos Norte Police Provincial Office (INPPO) a maiyuswat intuno bigat ti turn over ceremony iti incoming ken outgoing chief of police ti PNP-Laoag.
Kuna ni Abrahano a daytoy ket gapu ta sumrek iti schooling ni outgoing chief of police PLt. Col. Rafael Lero para iti pannakai-promote na kas PCol.
Manamnama a sumukat iti pwesto ni Lero ni PLt. Col. Mar Luis Bondoc, ti agdama a mangidadaulo ti Investigation and Detective Management Unit iti INPPO.
Kabayatanna, sumukat met iti panawan a pwesto ni Bondoc ni PMaj. King Ramos.
