LAOAG CITY – Nagtalinaed a kurang iti target a makumpleto a mabakunaan ti 95% dagiti ubbing kontra iti vaccine-preventable diseases no sadinno nga iti agdama ket adda ti 61% basar iti Department of Health.
Iti National Immunization Summit 2025, inbatad ni Department of Health Disease Prevention and Control Bureau Director Dr. Gerard Belimac nga idi Disiembre 2024, ti fully immunized nga ubbing iti pagilian ket dumanon iti 1.4 milyon wenno 61%.
Inbatad ni Belimac a kabayatan a nakaaramid dagitoyen ti panagdur-as kas ti pannakakissay ti zero-dose nga ubbing ken pannakaikkat ti global Top 20, ti fully immunized children rates ken coverages para iti antigen ket nagtalinaed a nababa iti 95% iti intero a tawen.
Kunana a ti bilang ket saan laeng nga istatistika, iririprisentarna dagiti nabati nga ubbing a vulnerable iti vaccine-preventable diseases ken dagiti pamilia nga agrigrigat.
