LAOAG CITY – Sangapulo ket maysa nga ubbing ken agtutubo ti natay ken 19 ti nasugatan kalpasan iti panagtennag ti rocket iti football pitch a sakuen ti Israel-Golan Heights, segun kadagiti autoridad ti Israel.
Segun iti Israel Defence Forces (IDF), nagdisso ti rocket iti ili ti Druze a Majdal Shams.
Masansan a makisinnukat ti Hezbollah, maysa a militante a grupo ti Lebanon, kadagiti puersa ti Israel sipud idi bimtak ti gubat iti nagbaetan ti Israel ken Gaza idi Oktubre.
Kabayatanna, pinabasol ti Israel Defence Forces ti Hezbollah gapu iti panangraut. Ngem inlibak ti pannakangiwat ti grupo a ni Mohamad Afif nga awan ti koneksionna iti insidente ti Majdal Shams.
