LAOAG CITY – Nagtalinaed iti ospital ti maysa nga ubing a babai kalpasan a nadungpar ti kotse iti paset ti Brgy. 3 iti ili ti San Nicolas.
Iti inisyal nga imbestigasyon ti PNP-San Nicolas, agturong iti amianan ti kotse ken dita a kellaat a bimmallasiw ti ubing iti pedestrian lane ken agturong iti laud.
Gapu iti daytoy, nadungpar ti ubing ken nagsagaba ti sumagmamano a sugat iti bagi na.
Kabayatanna, naamoan a mismo a ti driver ti kotse ti nangidiaya a maitara iti kaasitgan nga ospital ti ubing.
Adda metten ti panagsasarita dagiti dua a partido nu sadino a nagkari ti driver ti kotse nga isu ti mangsungbat dagiti amin a magastos ti ubing.
Manamnama a dumalan iti x-ray ti ubing kas kiddaw ti driver a nakadungpar kenkuana.
