LAOAG CITY – Tulungan ti Regional Mobile Force Battallion iti 101st Manuever Company ti maysa nga ubing a saan pay a nakastrek iti fastfood chain ken maipaayan ti school supplies
Binigbig ni Police Staff Sergeant Pepito Damasco Jr. ti ubing a ni Romelyn, agtawen ti 9, Grade 4 ken residente iti Sitio Nagbeddengan, Barangay Catocdaan, Cabugao, Ilocos Sur.
Segun kenni Damasco, nakita da ti ubing bayat ti kaadda da iti lugar ken naginana da iti balay da Romelyn.
Inlawlawag na a nasdaaw da kadagiti kaakdawa na gapo ta idi simmangpet ti ubing manipud iti pagadalan ken nakita na isuda ke nagtartaray a nagllemeng iti puon ti kayo.
Basar ti palawag ti lola ti ubing, mabuteng ti maseknan kadagiti pulis wenno indibidwal nga addaan ti paltog gapo ta daytoyen ti nausar a pamutbuteng kenkuana idi bassit pay laeng.
Naamoan nga umabot ti 20 agingga iti 30 a minutos sakbay da a naparwar ken nakasarita ti ubing.
Emosyunal a nangirakurak a nasakit para kadakuada a pulis a maamoan a maar-aramat da a pamutbuteng kadagiti ubbing tapno saan a ma-trauma.
Gapo iti daytoy, immapela ni Damasco iti publiko a liklikan a butbutengen dagiti ubbing babaen ti panangaramat da kadagiti pulis gapo ta ado pay ti sabali a wagas tapno mabagbagaan dagiti annak.
